གནའ་སྔ་མོ་ཞིག་ལ་ཡུལ་ཤུལ་ནས་སྟག་ཤར་ལུ་ཚོས་ཞབས་བྲོ་འཁྲབ་མྱོང་།
གནའ་སྔ་མོ་ཞིག་ལ་ཡུལ་ཤུལ་ནས་སྨན་བུ་མོ་ཚོས་གླུ་སྐད་གྱེར་མྱོང་།
ཡིན་ཡང་། ན་ནིང་གི་ནམ་ཟླ་སྐྱ་བོ་དེས།
རྩྭ་་ཐང་གི་མཛེས་པ་འཕྲོག་སོང་།
མེ་ཏོག་གི་ཟེའུ་འབྲུ་རྙིད་སོང་།
གནའ་སྔ་མོ་ཞིག་ལ་ཡུལ་ཤུལ་ནས་གླིང་དཀར་གྱི་སྙན་གྲགས་དར་སོང་།
གནའ་སྔ་མོ་ཞིག་ལ་ཡུལ་ཤུལ་ནས་སྟོབས་འབྱོར་གྱིས་ཀླུ་ལ་འགྲན་མྱོང་།
འོན་ཀྱང་། ས་ཡོམ་ཐེངས་ཤིག་གི་རྗེས་སུ།
ཡུལ་ཤུལ་ན་མིག་ཆུ་ལས་ཅི་ཡང་མི་འདུག
ཡུལ་ཤུལ་ན་གདུང་འབོད་ལས་གང་ཡང་མི་འདུག
རྩྭ་ཐང་གི་མི་རིགས་ཤིག
འདི་ལྟར་ས་འོག་ཏུ་ཤོར་སོང་།
གངས་འདབས་ཀྱི་སེམས་པ་ཞིག
དེ་ལྟར་མྱ་ངན་གྱིས་མནན་སོང་།
སྤུན་ཟླ་ཚོ། སེམས་མ་ཕམ།
ང་ཁྱེད་ཀྱི་ཁྲ་ཆུང་གི་མིག་སྔོན་དུ་ཡོད།
ཁྱེད་ང་ཡི་ཡ་ཆུང་གི་སེམས་ནང་ན་ཡོད།
2011．4．14ཉིན་བྲིས།
No comments:
Post a Comment