༡༽ ང་རོ་བདག་ཡིན།
མདོ་ཁམས་སྐྱེ་དགུ་ཡུལ་གྱི་གཅེས་ཤིང་བརྩེ་བའི་སྤུན་ཟླ་རྣམ་པ། ཐེངས་འདིར་ངེད་ཅག་གི་མགོ་བོར་ལྷུང་བའི་འབྱུང་བའི་གནོད་འཚེ་དེ་ནི། ལས་དབང་ངམ་ཡང་ན་སྟེས་དབང་གི་ཆག་སྒོ་ཞིག་སྟེ། འདིས་ནི་སྐྱེ་དགུའི་ཡུལ་མི་སྟོང་ཕྲག་མང་པོར་མི་ཤི་ཁྱིམ་སྟོང་གི་རྐྱེན་ངན་བཟོས་སྟབས། གདོང་དམར་རིགས་ཀྱི་མི་ལུས་བླངས་སོ་ཅོག་ལ་བཟོད་དཀའ་བའི་གདུང་ཚོར་ལྕི་མོ་བཀལ་སོང་ལ། འཛམ་གླིང་ས་ཆེན་པོར་ཕྱོགས་མེད་དུ་བཀྲམས་པའི་རང་རིགས་ཚོས་གདུང་སེམས་ཀྱི་མིག་ཆུ་རྡོག་མ་རེ་དང་འགྲོགས་ནས། ཁྱེད་ཚོའི་བློ་སྤོབས་ནམ་མཁའ་ལྟར་རྒྱ་བསྐྱེད་པ་དང་། ཁྱིམ་གཞི་གསར་འཛུགས་ཀྱིས་གངས་རིའི་མ་འོངས་པ་དང་། སྐྱེ་དགུའི་མ་འོངས་པ་བསུ་བའི་སྟ་གོན་ལ་བསྒུག་ཡོད། ང་རང་ཁྱེད་ཅག་དང་རྒྱང་རིང་སྟེ། རྒྱང་རིང་གི་སེམས་པས་མྱོང་སྟངས་ནི་ཐག་ཉེ་ལྟར། མཐོང་ཐོས་རེ་རེ་དང་། བསམ་གཞིག་རེ་རེས་རིགས་གཅིག་སྤུན་ཟླ་དག་ལ་མ་ཎི་བགྲང་ཞིང་། གསོལ་འདེབས་སྐྱོར་བཞིན་ཡོད། མདོར་ན། ངེད་ཅག་ཇི་ལྟར་རྒྱང་རིང་ན་ཡང་། སྐྱེ་བ་འདིའི་བསྐོས་ཐང་ལས་ཚོར་བྱུང་བ་ནི། ང་རང་བཞུད་ཟིན་པ་ཚོའི་རོ་བདག་དང་། འཚོ་བཞིན་པ་དག་གི་སྤུན་ཟླ་ཡིན་ཨང་།
༢༽
སྨྲེ་
སྐྱེ་
འབོད་སྒྲ་ གནམ་ ལ་ འཁོར་ བའི་ གསོལ་ འདེབས་ ཤིག་ བྱས་ ཡོད། ། མིག་ཆུ་ གཤོང་ ལ་ བཞུར་ བའི་ སྡུག་ བསྔལ་ ཞིག་ བསྐྱེད་ ཡོད། ། གཅིག་ཐོག་ གཉིས་ ལ་ བརྩེགས་ པའི་ མྱ་ ངན་ གྱི་ སྨྲེ་ ངག།། རང་བྱུང་ ཆོས་ ཀྱིས་ བོད་ ལ་ སྐྱེས་ ཐོབ་ ཏུ་ གནང་ ངམ། ། པོ་ཏཱ་ ལ་ ཡི་ ཐེམ་ སྐས་ ཁྲག་ དམར་ གྱིས་ མ་ སྐམ། ། ཁྲི་ཤོར་ རྒྱལ་ མོའི་ རྦ་ རླབས་ ཞེ་ འཁོན་ གྱིས་ བསྐྱོམས་ ཡོད། ། རྨ་རྒྱལ་ སྦོམ་ རའི་ དབུ་ འཕང་ སྡུག་ རུས་ ཀྱིས་ འགྲེང་ དུས། ། ས་ཡོམ་ བདུད་ ཀྱིས་ ཆོ་ འཕྲུལ་ ཅི་ ཞིག་ ལ་ བསྟན་ ནམ། ། ལ་དང་ ལུང་ པ་ སེམས་ ཀྱིས་ རྨུ་ ཐག་ གིས་ བསྟད་ ཡོད། ། ཆུ་དང་ གཙང་ པོ་ བཀྲ་ ཤིས་ གསེར་ ཟམ་ གྱིས་ བསྲུང་ ཡོད། ། སྤང་དང་ ནགས་ ཚལ་ ལྷ་ ཀླུའི་ ཞིང་ བཀོད་ ལ་ བསྒོམས་ ཡོད། ། ཅིའི་ཕྱིར་ ལན་ མེད་ འཁོན་ འགྲུས་ བོད་ མི་ ལ་ བྱུང་ སོང་ ། ། མགོན་གྱི་ དྭངས་ མ་ རྒྱང་ རིང་ ས་ མཐའ་ ན་ བཞུགས་ སྐབས། ། ཕ་མ་ བུ་ ངོ་ མ་ འཕྲོད་ གྱེས་ གདུང་ ལ་ ལྷུང་ སྐབས། ། རིགས་ཀྱི་ དཔའ་ བོ་ ཁྲི་ མུན་ དོང་ རུམ་ ན་ ཡོད་ སྐབས། ། མི་མཛའ་ འབྱུང་ བའི་ ཁྲོ་ གཏུམ་ མཆེ་ གཙིགས་ ཀྱིས་ སླེབས་ བྱུང་ ། ། ཡིན་ཡང་ གངས་ རིའི་ བུ་ རབས་ ཕམ་ པ་ ནི་ མ་ མཆིས། ། ས་ཡ་ བྱེ་ བའི་ དཀའ་ སྡུག་ ཕྲག་ སྟེང་ དུ་ ལེན་ ནུས། ། རིག་གནས་ གསར་ བརྗེའི་ མུན་ དོང་ སྙིང་ སྟོབས་ ཀྱིས་ སློག་ མྱོང་ ། ། སླར་ཡང་ མུན་ པའི་ གཤེད་ དུ་ སྤོབས་ སེམས་ ཀྱིས་ འགྱིང་ ངེས། །
No comments:
Post a Comment