༄༅། །སུད་སི་དང་ལེཀ་ཊེན་སྤྲཡན་བོད་རིགས་མང་གི་ས་གནས་ཚོགས་ཆུང་ཉེར་གསུམ་ཡོད་པའི་ནང་ནས་ཕོལ་ཀེ་སི་ཝིལ་ས་གནས་ཚོགས་ཆུང་གིས་ཕྱི་ཚེ་༢༣་བཟའ་པ་སངས་ཉིན་ཚོགས་འདུས་འཚོགས་ཡོད། ཕོལ་ཀེ་སི་ཝིལ་ས་གནས་ཚོགས་ཆུང་གི་འཐུས་མི་འཁོར་ལོ་ཚང་དབང་ཕྱུག་ལགས་ཀྱིས་གསུངས་བཤད་དང་ལྷན་དུ་ས་ཡོམ་གྱིས་གོད་ཆག་ཕོག་པའི་ཤ་ཁྲག་གཅིག་པའི་རྒ་སྐྱེ་རྒུ་མདོ་ཡི་བོད་མི་ཤི་བོ་རྣམས་ལ་འདས་མཆོད་དང་གསོན་པོ་རྣམས་ལ་སྐྱིད་སྡུག་མཉམ་མྱོང་གི་བརྩེ་སེམས་མཚོན་ཆེད་དུ་ས་གནས་ཚོགས་ཆུང་གི་སྤྱིའི་དངུལ་ནས་སུད་སི་སྒོར་མོ་༢༠༠༠དང་ཚོགས་མི་སྒེར་གྱི་རྩ་ནས་ཞལ་འདེབས་བསྡུ་ལེན་ཟིན་དུས་སུད་སི་བོད་གཞུང་སྐུ་ཚབ་དོན་བཅོད་ཁང་གི་ཕྱག་ཏུ་ཕུལ་རྒྱུ་ཐག་བཅད་བྱས་སོང་།
ང་ཚོའི་ཚོགས་ཆུང་གི་སྤྱི་དངུལ་ཡོང་ཁུངས་ནི་དུས་ཆེན་ཁག་ཏུ་མོག་མོག་དང་ཤ་པ་ལེབ་བཙོང་ནས་བྱུང་བའི་སྤྱི་དངུལ་རེད། ཚོགས་མི་སྒེར་གྱི་རྩ་ནས་ཞལ་འདེབས་འབུལ་བའི་དངུལ་ག་ཚོད་ཡོང་མིན་ད་ལྟར་ཚང་མ་བསྡུ་མ་ཚར་པས་དངུལ་གྱི་གྲངས་ཀ་ཞུ་ཤེས་མ་སོང་། ཡིན་ཡང་ཞལ་འདེབས་འབུལ་ཟིན་པ་རྣམས་ལ་ལྟས་ན་ཉུང་ཤོས་སྒོར་ལྔ་བཅུ་རེ་མི་འབུལ་མཁན་མཐོང་མ་སོང་། ང་ཚོའི་ཚོགས་མི་རྣམས་ཀྱིས་རེ་བ་ཆེ་ཤོས་ང་ཚོའི་ངོས་ནས་ཕུལ་བའི་དངུལ་དེ་འཕྲད་དགོས་ས་བོད་མི་ཉམ་ཐག་ཚོའི་ཕྱག་ཏུ་འཕྲད་རོགས་བྱ་ཐུབ་པར་གནང་རོགས་ཞུ་རྒྱུ་དང་གལ་སྲིད་མགྱོགས་པོ་མ་ཐུབ་ཀྱང་རྒྱ་ནག་གི་གཞུང་རྒྱུགས་ཁྱི་ཚོའི་ཁ་ནང་དུ་མི་འགྲོ་བ་གནང་རོགས་ཞུ། དངུལ་འདི་སྐུ་ཚབ་དོན་བཅོད་རྒྱུད་ནས་ཡུལ་ཤུལ་ས་ཡོམ་གདོང་སེལ་ཚོགས་ཆུང་གི་ནང་དུ་འབྱོར་ངེས་རེད། དེ་འདྲ་ཡིན་དུས་ཡུལ་ཤུལ་ས་ཡོམ་ཚོགས་ཆུང་གིས་ཐུགས་གཟབ་གནང་རོགས་ཞུ། དངུལ་འདི་ནི་ཉུང་ཉུང་ལས་མེད་ཀྱང་གཞི་ལུས་བོད་མི་རྣམས་དང་སྐྱིད་སྡུག་མཉམ་མྱོང་དང་རྡོག་རྩ་ཆིག་སྒྲིལ་མཚོན་ཆེད་དུ་ང་ཚོའི་ཚོགས་མི་རྣམས་ཀྱིས་སྨོན་ལམ་རྒྱབ་ཀྱི་ཞིག་ལ། སྐྱིད་སྡུག་མཉམ་མྱོང་གི་རྒྱལ་ཁ་ཐོབ་པར་ཤོག སྐྱིད་སྡུག་མཉམ་མྱོང་གི་ནུས་པ་ཐོན་པར་ཤོག སྐྱིད་སྡུག་མཉམ་
ང་