སི་ཁྲོན་མི་རིགས་སློབ་གླིང་ནས་ཡུལ་ཤུལ་ལ་ས་ཡོམ་བྱུང་ནས་ལོ་གཅིག་འགོར་བར་རྗེས་དྲན་བྱས་ཡོད་པ།
དགེན་ལྕགས་རྒྱལ་འབུམ་གྱིས་གཏམ་བཤད་གནང་བཞིན་པ།
ཁ་སང་སྟེ་ཟླ༤བའི་ཚེས༡༤ཉིན་གྱི་དགུང་མོའི་ཆུ་ཚོད་བདུན་པའི་སྟེང་སི་ཁྲོན་མི་རིགས་སློབ་ཆེན་གྱི་བོད་སྐད་ཡིག་སྡེ་ཁག་གི་སློབ་གྲོགས་ཀུན་པོ་ཀུན་སློང་གཙང་མའི་སྒོ་ནས་རང་འགུལ་གྱིས་བྱ་འགུལ་ལྟེ་གནས་སུ་འདུས་ཏེ། ཁམས་སྐྱེ་དགུའི་༧﹒༡ཅན་གྱི་ས་འགུལ་བྱུང་ནས་ལོ་འཁོར་གཅིག་ལོན་པར་རྗེས་དྲན་ཞུས་ཤིང་། དགེན་ལྕགས་རྒྱལ་འབུམ་སོགས་ཀྱང་ཐེངས་འདིའི་རྗེས་དྲན་ཚོགས་འདུར་ཞུགས་ཏེ“ས་ཡོམ་ཆེན་མོའི་ཁྲོད་རྐྱེན་ལམ་དུ་ཤོར་བའི་སྤུན་ཟླ་རྣམས་ལ་རྗེས་དྲན་དང་ཕྱིན་ཆད་ང་རང་ཚོའི་མགོ་ཐོག་ཏུ་འདི་འདྲའི་གོད་ཆག་མི་འབྱུང་བའི་ཆེད་དུ་ཕྱོགས་གང་དག་ལ་མཉམ་འཇོག་བྱ་དགོས་པའི་སྐོར”ནས་གཏམ་བཤད་གནང་བ་དང་། སློབ་གྲོགས་རེ་འགས་ཀྱང་དུས་དྲན་སྐོར་གྱི་སྙན་ངག་གྱེར་འདོན་བྱས། མ་ཟད། དགེ་སློབ་ཀུན་པོས་རང་རིགས་ཀྱི་གོམས་སྲོལ་ལྟར་མ་ཎི་ཡིག་དྲུག་དང་སྒྲོལ་མ་སོགས་བཏོན་ཏེ་རང་ཉིད་ཀྱི་ལྷག་བསམ་མཚོན་པར་བྱས་ཡོད།
དགེ་སློབ་ཀུན་པོས་ཞལ་འདོན་བྱེད་ཀྱིན་པ།
No comments:
Post a Comment