ཡུལ་ཤུལ་བ། ངས་ཁྱོད་ཚོ་རྒྱུན་དུ་དྲན། ལི་ཐང་། ངག་དབང་དབྱིག་གཉེན། འབྲས་བློ་གླིང་།
འབྱུང་ གཞི་ འཁྲུག་ པའི་ གོད་ ཆག་ གཅིག་ གིས་ སྤུན་ ཟླའི་ ཚེ་ སྲོག་ བཅོམ་ ན་ ཡང་ །།
དུས་ འགྱུར་ ངར་ མའི་ འཕགས་ འཚག་ གཅིག་ གིས་ རང་ ཡུལ་ མི་ ལ་ ཤོར་ ན་ ཡང་ །།
འགྱུར་ སྟངས་ འདི་ དག་ མི་ རྟག་ སྒྱུ་ མའི་ ངང་ ཚུལ་ གཅིག་ གི་ རྣམ་ པ་ ལས།།
བདེན་ པའི་ ངོ་ བོ་ གདོད་ ནས་ གྲུབ་ པའི་ ཤེས་ བྱའི་ རྣམ་ པ་ ཡོད་ མ་ ཡིན།།
དེ་ རིང་ བདག་ གི་ ཡ་ ཁོག་ ཀུན་ ལ་ སྡུག་ གི་ སྣོན་ པས་ བརྩེགས་ ནས་ འདུག།
དེ་ རིང་ བདག་ གི་ རྣམ་ ཤེས་ འདི་ ཡང་ གྲགས་ འགུལ་ མེད་ པར་ འཁུམ་ ནས་ འདུག།
མྱི་ ཚེ་ ནང་ ན་ མྱ་ ངན་ འདི་ འདྲ་ དེ་ རིང་ མ་ གཏོགས་ སླེབས་ མ་ ཐལ།།
མྱ་ ངན་ བྱེད་ སའི་ ཉི་ མ་ ནག་ པོ་ དེ་ རིང་ མ་ གཏོགས་ ཤར་ མ་ ཐལ།།
སྔོན་ མའི་ ལོ་ ཡི་ གོད་ ཆག་ ནག་ པོ་ འདྲེན་ བྱེད་ མདུན་ དུ་ ཤར་ ཐེངས་ རེ།།
མིག་ ཆུ་ ནག་ པོ་ གདོང་ རིས་ ངོས་ ནས་ ལྷུང་ ལྷུང་ རྫ་ ཆུ་ བཞིན་ དུ་ འབབ།།
མིག་ ཆུ་ ནག་ པོ་ བཞུར་ རྒྱུན་ ཁྲོད་ ནས་ སྤུན་ ཟླའི་ རྣམ་ ཤེས་ སྟོང་ ཕྲག་ མཐོང་ །།
རྣམ་ ཤེས་ འདི་ དག་ སྨོན་ ལམ་ སྟོང་ གིས་ དག་ ཞིང་ ལྷ་ ཡི་ ཡུལ་ དུ་ འདྲེན།།
དེ་ རིང་ བདག་ གིས་ ཁྱེད་ ཚོ་ དྲན་ བཞིན་ སྨྲ་ སྒོས་ མ་ ནི་ དལ་ གྱིས་ བགྲང་ །།
དེ་ རིང་ བདག་ གིས་ ཁྱེད་ ཚོ་ དྲན་ བཞིན་ སེམས་ ཀྱིས་ མྱ་ ངན་ རོལ་ དབྱངས་ དཀྲོལ།།
དེ་ རིང་ བདག་ གིས་ ཁྱེད་ ཚོའི་ ཤུལ་ དུ་ མཆོད་ མེ་ སྟོང་ གིས་ ཐར་ ལམ་ བསུ།།
མཆོད་ མེ་ དམར་ པོའི་ འོད་ ཐིགས་ སྟོང་ གིས་ ཐར་ པའི་ ལམ་ སྣེ་ གསལ་ བར་ སྨོན།།
ཁྱེད་ ཚོ་ དྲན་ པའི་ ན་ ཟུག་ རེ་ རེ་ བདག་ གི་ སེམས་ སུ་ གསུབ་ ཐབས་ བྲལ།།
ཆག་ སྒོ་ དམར་ པོའི་ བརྙན་ པར་ འདི་ དག་ བདག་ གི་ མིག་ ནས་ ཡལ་ ཐབས་ བྲལ།།
ནམ་ ཡང་ ཁྱེད་ ཚོ་ ཆག་ སྒོས་ བཅོམ་ པའི་ ཉི་ མ་ ནག་ པོའི་ དུས་ ཚིཊ་ འདི།།
ངེད་ ཅག་ བོད་ མི་ ས་ ཡ་ དྲུག་ གིས་ བརྗེད་ པའི་ དུས་ ཚིགས་ ཡོད་ མ་ ཡིན།།
༢༠༡༡་ ་ ༤་ ་ ་ ༡༤ཉིན་ རང་ ཤག་ ཏུ་ མྱ་ ངན་ གྱི་ ཚབ་ ཏུ་ བྲིས།།
No comments:
Post a Comment