སོང་བདུན་མ། ལྡན་མ། ངག་དབང་ཤེས་རབ། འབྲས་བློ་གླིང་།

ཡུལ་ཤུལ་གྱི་རི་ལུང་ནང་དུ།། ལན་ངན་གྱི་གོད་ཆག་བྱུང་ཞིང་།།
སྤུན་ཟླ་ཡི་ཚེ་སྲོག་ཤོར་སོང་།། སྙིང་ཁྲག་གི་ཤ་འོད་བབས་སོང་།། 

བོད་རིགས་ཀྱི་སྤུན་ཟླ་རྣམས་ཀྱིས།། མྱུར་སྐྱོབས་ཀྱི་འདུན་པ་ཞིག་གིས།།
དཀའ་ངལ་ལ་གདོང་ལེན་བྱས་ནས།། ནུས་ཤུགས་ཆེད་གཅིག་སྒྲིལ་བྱས་སོང་།།

གློག་ཐག་གི་སྒྱུ་རྩལ་བར་ནས།། འཐོར་ཞིག་གི་ཟློས་གར་མྱུར་མོས།།
གོ་ལ་འདིར་བྱད་གཟུགས་ངོམ་ཚེ།། སྐྱོ་གདུང་གི་བཟི་ཁ་སྟེར་སོང་།།

ནུས་མེད་ཀྱི་སྤུན་ཟླ་ང་ནི།། ཤེས་རབ་ཀྱི་རྣམ་དཔྱོད་དེ་དང་།།
དགོས་མཁོ་ཡི་དཔལ་འབྱོར་མེད་ཁར།། ཕན་ཐོགས་ཀྱི་ནུས་པ་བྲལ་སོང་།།

གཞིས་བྱེས་ཀྱི་རབ་བྱུང་སྡེ་པས།། དུང་མདོག་གི་ཀུན་སློང་ཞིང་ནས།།
བསྔོ་སྨོན་དག་ཆར་བཞིན་ཕོབ་སྟེ།། སྡུག་བསྔལ་ཉིད་བྲལ་ཐབས་བྱས་སོང་།།

ཤུལ་ལུས་ཀྱི་བསམ་གཞིག་དྭངས་མ།། ༸གོང་ས་མཆོག་གདན་འདྲེན་འོག་ནས།།
ཤི་བོ་དག་ལམ་སྟོན་འཚོལ་རྒྱུ།། རྒྱ་གཞུང་གིས་བཀག་འགོག་བྱས་སོང་།།

བསུབ་མེད་ཀྱི་གོད་ཆག་ཁྲོད་ནས།། ཕ་མ་དང་ཁ་བྲལ་སོང་བའི།།
དྭ་ཕྲུག་གི་འདུན་ལམ་ཆེད་དུ།། རིགས་གཞན་གྱིས་རོགས་སྐྱོར་བྱས་སོང་།། །།