༄༅།།ཀུན་གྱིས་མཁྱེན་གསལ་ལྟར་ཕྱི་ལོ་ ༢༠༡༠ ཟླ་ ༤ ཚེས་ ༡༤ ཉིན་བོད་མདོ་ཁམས་སྒ་སྐྱེ་རྒུ་མདོར་ས་ཡོམ་གྱིས་འཇིག་པ་ཚབས་ཆེ་བྱུང་སྟེ་མི་གྲངས་ཧ་ཅང་མང་པོར་སྲོག་སྐྱོན་དང༌། དེ་བས་ཆེས་མང་བར་རྨས་སྐྱོན། སྡོད་ཁང་སོགས་དགོས་མཁོ་ཡོ་ཆས་རྩ་བརླག་ཏུ་སོང་སྟེ་དཀའ་སྡུག་བསམ་ཡུལ་ལས་འདས་པ་མྱང་དང་མྱོང་བཞིན་པ་དག་ལ་རང་དབང་རྒྱལ་ཁབ་ཁག་ཏུ་གནས་པའི་བཙན་བྱོལ་བོད་མི་སྤྱི་སྒེར་ཡོངས་ནས་གདུང་སེམས་མཉམ་བསྐྱེད་ཀྱིས་ཆོས་དང་ཟང་ཟིང་གི་ཕན་གྲོགས་རོགས་སྐྱོར་གང་ཐུབ་ཞུ་དགོས་པ་ནི་སྐབས་བབ་ཀྱི་ལས་འགན་ཡིན་པ་བརྗོད་མ་དགོས་པ་ལྟར། ས་ཡོམ་བྱུང་ཉིན་རང་དེར་ྋསྤྱི་ནོར་ྋགོང་ས་སྐྱབས་མགོན་ཆེན་པོས་འདས་གསོན་ཡོངས་ལ་ཐུགས་སྨོན་མཚམས་སྦྱོར་དང༌། འཚོ་བཞུགས་རྣམས་ལ་སེམས་གསོ་དབུགས་དབྱུང་གི་བཀའ་བཟང་བསྩལ་གནང་མཛད་པ་དང༌། བཙན་བྱོལ་བོད་གཞུང་ལས་ཁུངས་མ་ལག་དང་བཅས་པའི་སྲི་ཞུའི་ལས་བྱེད་པ་རྣམས་ཀྱིས་མཆོད་འབུལ་སྨོན་ལམ་དང་མྱ་ངན་གུས་བཏུད་ཞུས་ཤིང༌། དེའི་ཕྱི་ཉིན་ཚེས་ ༡༥ ཉིན་ཐེག་ཆེན་ཆོས་གླིང་གཙུག་ལག་ཁང་དུ་དྷ་སའི་ཁུལ་དུ་བཅའ་བཞུགས་བླ་སྤྲུལ་དགེ་འདུན་བཙུན་མ་མང་ཚོགས་དང་བཅས་པ་ལྷན་འཛོམས་ཐོག་རྟེན་མཆོག་སྤྱན་སྔར་མཆོད་འབུལ་དང༌། འདུས་ཚོགས་ལ་བསྙེན་བཀུར་མང་འགྱེད་བཅས་ཞུས་པ་དང༌། སླར་ཡང་འདི་ཚེས་ ༢༧ ཉིན་འདས་པོ་